அஸ்திவாரம்

காலைத்தென்றலில் கடமைக்கு விரைந்து செல்லுங்கள்

மாலைத்தென்றல் நம்மை மகிழ்ச்சியில் குளிக்க வைக்கும்

உழைப்பே வாழ்வின் அஸ்திவாரம் – இதை

உணர்ந்தவர்கள் வாழ்வில் இல்லை சோகம்

பறவையும் எறும்பும் படுத்திருந்தே

      உண்பதில்லையே – அதற்கு

பசிக்குணவு கிடைத்த பின்பும் – அந்த

பரமனை நினைக்க மறப்பதில்லையே

ஓடிக்கொண்டே இருந்தால்தானே

ஆறும் ஒருநாள் கடல் சேரும் – அலை

ஆடிக்கொண்டே இருந்தால்தானே

வாடும் தோணி கடல் கரை காணும்

விதியென்று மூலையில் முடங்கி விடாதே –உன்

மதி சொல்லும் வழியில் தான் இறைவனும் நடத்துவான்

வீணே படுத்திருந்து வாழ்வை வீணாக்காதே – உன்னை

படைத்தவனை என்றும் குறை சொல்லாதே

உனக்குள் இருக்கும் அந்த ஒருவனை தெரிந்து விடு

உழைப்பாய் ,உயர்வாய் உண்மைக்கு நீ பாடுபடு - பிறர்க்கு

உதவும் எண்ணங்களை உன்னில் நீ வளர்த்துவிடு –இந்த

உலகம் தந்தவனை தினமும் நீ வணங்கிவிடு –இரு

உலகமும் உன்னை தினமும் வாழ்த்திவிடும்