துயர் தீர்ப்பாய் துயவனே

அல்லாஹ் அல்ஹம்து லில்லாஹ் – என்னை

அரவணைப்பாய் அருளாளா

துன்பம் என்னை துரத்துகின்றதே

சோதனை வழி மறிக்கின்றதே –என்

கண்கள் உன்னை தேடுகின்றதே

காத்தருள்வாய் அருளாளா

மதி மயக்க தவறுகளால் –என்

மனம் என்னை வதைக்கின்றதே  -என்

நாவடக்கம் கொள்ளாததல் – என்

நல்ல மனம் பதைக்கின்றதே

நாளும் என்னை காத்தருள்வாய்

நல்ல சொல்லே நாளும் அருள்வாய்

வாரிசுக்கு நல்ல மகனை தந்தாய்- என்னை

வதைக்கும் துர்குணம் ஏன் தந்தாய் – தீன்

வளரும் நல்ல குணம் அருள்வாய்  - என்

வாழ்வுக்கு  அவனை துணை சேர்ப்பாய்

மனை சிறக்க பெண் மக்களை தந்தாய்

மலர்ந்து நிற்கின்ற பருவமும்  தந்தாய்

மணமாலை சேர வைப்பாய் – தீன்

மணவாளனை சேர்த்து வைப்பாய்  - நபி

மனம் வாழ்த்தும் இல்லற வாழ்வளிப்பாய் .

என் இல்லாள் நல் நோக்கங்கள்

நாளும் நிறைவேற அருள் புரிவாய்

நானிருக்கும் காலமெல்லாம்  - அவள்

நலம் சிறக்க அருள் புரிவாய்!