வாழ்க்கை

எது நடக்கணுமோ அது நடந்து கொண்டுதானிருக்கிறது

எது நடக்க வேண்டுமோ அது நடந்தே தீரும் .

நடக்காததை நினைத்து கவலை எதற்கு ?

பேச வேண்டியதை நினைத்து பயம் எதற்கு ?

பேச வேண்டியதை பேசித்தான் ஆக வேண்டும் .

செய்யவேண்டியதை செய்து கொண்டு தான் இருக்கணும் .

சும்மா இருந்து கொண்டு பறவைகள் உண்ணவில்லை .

சும்மா இருந்து கொண்டு எறும்புகள் தின்னவில்லை .

நதிகள் நம்மை நோக்கி ஓடி வருகிறது .

நாம்தாம்  நிலம் தோண்டி நீர் பாய்ச்சனும் .]

விளைய வைப்பது இறைவன் பொறுப்புதான்  - ஆனால்

விதை விதைக்க வேண்டியது நமது கடமையல்லவா ?

அவசப்படுபவன் காயை தின்கிறான் .

பொறுமை காப்பவன் கனியை சுவைக்கிறான் .

இருந்த இடத்திலேயே  தேரை வாழ்கிறது .

அலைந்து திரிந்துதான் பறவைகள் உண்ணுகிறது .

குறைந்த முயற்சியில் செல்வந்தன் வாழ்கிறான் .

உழைத்து ஓய்ந்த பின்பே ஏழை உண்ணுகிறான் .

இது இறைவனின் நியதி – இது இறைவனின் அதிகாரம் .

சிலரது வாழ்க்கை வளர்பிறை .

சிலரது வாழ்க்கை தேய்பிறை .

சிலரது வாழ்க்கை பவுர்ணமி .

சிலரது வாழ்க்கை அமாவசை .

வானத்திலும் மாற்றங்களும் உண்டு – மனித

வாழ்க்கையிலும் மாற்றங்கள் உண்டு .

சுகத்தோடு வாழ்ந்தவர்கள் சுமையோடு போகிறார்கள் .

சோதனைகளை கடந்தவர்கள் சொர்க்கத்தை அடைகிறார்கள் .

சோதனையின்றி சுகங்கள் இல்லை – சுகம் மட்டுமே வாழ்க்கை இல்லை .

சோதனைகளை வெல்வோம் – சுகங்களை அடைவோம் .